जेठ ९, २०७८
काठमाडाैं : प्रधानमन्त्री केपी शर्मा ओलीले चुनाव अगाडि नै सबै जनतालाई खोप लगाइ सक्ने ढंगले सरकारले काम गरिरहेको बताएका छन्।
प्रधानमन्त्रीको सरकारी निवास बालुवाटारमा आइतबार प्रेस चौतारी आबद्ध पत्रकारसँगको अन्तरक्रियामा प्रधानमन्त्री ओलीले चुनावी वातावरण बिगार्नेहरूले खोप र सार्वभौमसत्ताको प्रयोगबारे जनतामा भ्रम सिर्जना गर्ने काम गरेको टिप्पणी गरे।
यसलाई उनले नेकपा माओवादी केन्द्रका अध्यक्ष पुष्पकमल दाहाल र आफ्नै पार्टीका वरिष्ठ नेता माधव कुमार नेपालको नाम लिएर उनीहरुले चलाएको ‘सेन्टिमेण्टल ब्लाकमेलिङ’ भनी टिप्पणी गरे।
नेकपा माओवादी केन्द्रका अध्यक्ष दाहालले लोकतन्त्रलाई पराजित गर्न नसकेपछि प्रणाली भित्रै छिरेर लोकतन्त्रलाई हुँडल्ने काम गरेको दाबी प्रधानमन्त्रीले गरे।
उनले भने, ‘सरकारले चुनाव भए पनि खोप ल्याउँछ। खोप लगाउँछ। चुनाव नभएपनि खोप ल्याउँछ। खोप लगाउँछ। आफ्नो सार्वभौमसत्ताको प्रयोग र खोप यसलाई संगै जोड्नै हुँदैन। यो जनताको सेन्टिमेन्टसँग खेलवाड गरिएको कुरा हो। जनताले सार्वभौमसत्ताको प्रयोग गर्ने कुरा अहिले वातावरण बिगार्ने चुनाव हुनै हुँदैन भन्ने, चुनावसँग तर्सिने हालत कमजोर भएका प्रचण्ड माधव नेपाल जस्ताहरुको खेती हो यो। चुनाव भयो भने बेहाल हुन्छ। बेहाल त हुन्छ हुन्छ। वामपन्थी भनेको छ। देशभक्त भनेको छ। लोकतान्त्रिक भनेको छ। लोकतन्त्रविरुद्ध लड्यो लड्यो, लोकतन्त्रलाई पराजित गर्न नसकेपछि भित्रै छिरेर अनि भित्रैबाट हुँडल्ने काम गर्ने अनि लोकतन्त्रका नारा दिने ?’
खबरज्योति डट कमका लागि
प्रवन्ध निर्देशक : विदुर गिरी
प्रधान सम्पादक : युवराज गिरी
प्रतिक्रिया दिनुहोस