जेठ २, २०७८
चाैतारा : काेराेनाकाे संक्रमण बढ्दै गएपछि चौतारामा अक्सिजन प्लान्ट र पिसिआर मेसिन ल्याउन पहल थालिएको छ।
बागमती प्रदेश सरकारकाे निर्णयअनुसार अक्सिजन प्लान्ट र पिसिअार मेसिन ल्याउन पहल थालिएको हाे।
प्रदेश सरकारको निवर्तमान सामाजिक बिकास मन्त्री युवराज दुलालको बिशेष पहलमा जिल्ला अस्पतालमा अक्सिजन प्लान्ट र पिसिआर मेशिन ल्याउन लागेकाे हाे।
सिन्धुपाल्चोक चौतारामा रहेको जिल्ला अस्पतालमा अक्सिजन प्लान्ट र पिसिआर मेशिन राख्न प्रदेश सरकारले स्वास्थ्य कार्यालयलाई छिट्टै पत्र पठाउने तयारी गरेको समेत निवर्तमान मन्त्री दुलालले बताए ।
‘अक्सिजन प्लान्ट र पिसिआर मेसिनसहित ११ हाइ डिपेन्डेन्सी युनिट (एचडियु) वार्ड र अक्सिजन जडित ५४ बेड कोभिड आइसोलेसन वार्ड बन्ने छ’ उनले भने।
११ एचडियुमध्ये ६ वटा चौतारा अस्पताल र ५,५ वटा मेलम्ची र बाह्रबिसे प्राथमिक स्वास्थ्य केन्द्रमा रहने छ । अक्सिजन सहितको बेड चौतारामा २४ र मेलम्ची र बाह्रबिसेमा १५,१५ वटा रहने छन् ।
निवर्तमान सामाजिक विकासमन्त्री दुलाल र माओवादी केन्द्रका नेता माधव सापकोटाले कोरोनाको दोस्रो लहर सुरु भएलगत्तै स्वास्थ्यकर्मी सहित सरोकारवालासँग सदरमुकाम चौतारामा छलफल गरेर अक्सिजन प्लान्ट र पिसिआर मेशिन राख्न गरिएको प्रस्तावमा प्रदेश सरकारले निर्णय गरेको हो ।
प्रस्तावको फाइल बोकेर निवर्तमान मन्त्री दुलाल स्वयम प्रदेश सरकार सम्म पुगेका थिए । काेराेनाकाे दाेस्राे लहरमा सिन्धुपाल्चोकमा तिव्र रूपमा काेराेना संक्रमित बढ्दै गइरहेको छ। सिन्धुपाल्चोकमा करिब ६ सय संक्रमित छन् भने ७ जनाकाे मृत्यु भइसकेको छ।
खबरज्योति डट कमका लागि
प्रवन्ध निर्देशक : विदुर गिरी
प्रधान सम्पादक : युवराज गिरी
प्रतिक्रिया दिनुहोस