बैशाख १४, २०७८
चौतारा : चौतारा साँगाचोकगढी नगरपालिका ६ स्थित दारेगौडाको पानी ट्यांकी डाँडामा बुद्धपार्क बन्ने भएको छ। पार्ककोे सोमबार सभामुख अग्निप्रसाद सापकोटाले शिलान्यास गरेका छन्।
गौंरती सामुदायिक वन क्षेत्रमा निर्माण हुने पार्कमा ६७ फिट अग्लो बुद्ध मुर्ती समेत निर्माण हुने भएको छ।
पार्क पुग्न हजार सिडिको निमार्णको कामले समेत तिव्रता पाइरहेको छ। कुल ६ करोड २१ लाख ५३ हजार ७ सय रुपैयाँ लागतमा पार्क निर्माण हुने नगरप्रमुख अमानसिं तामाङले जानकारी दिए।
सुकुटे आउने पर्यटकलाई साँगाचोकगढी, इर्खुको रानीपोखरी, बुद्ध पार्क, गौरती मन्दिर हुदै ओख्रनीको चिया बगान घुम्न सक्ने गरी पर्यटन केन्द्रित कार्यक्रममा ल्यायको उनको भनाई छ।
निर्माण कम्पनीसँग २०७९ जेठ २२ गतेभित्रमा काम सक्ने सम्झौता भएको छ।
खबरज्योति डट कमका लागि
प्रवन्ध निर्देशक : विदुर गिरी
प्रधान सम्पादक : युवराज गिरी
प्रतिक्रिया दिनुहोस