चैत १०, २०७७
चौतारा : घरयासी झगडामा श्रीमतीको हत्या गरी जंगलमा फाल्ने पक्राउ परेका छन्। ईलाका प्रहरी कार्यलय मेलम्ची तथा ईलाका प्रहरी कार्यलय हेलम्बुको संयुक्त टोलीले हेलम्बु गाउँपालिका १ दोरीङ बस्ने फुर छोवाङ तामाङ पक्राउ गरेको हो।
श्रीमती सुम्ज्यो तामाङको हत्या गरेको प्रमाणित भएपछि पक्राउ गरेको प्रहरीले जनायो।
घरायसी झगडाको क्रममा श्रीमतीको मृत्यु भएपछि छोवाङले घटना लुकाउन सुम्ज्योको लासलाई घर नजिकैको दोरीङ जंगलमा फालेको अनुसन्धानपछि खुलेको छ ।
आईतबार दिउसो ३ बजेको समयमा जंगलमा मृत अवस्थामा भेटीएको सुम्ज्योको शनिबार राती नै हत्या भएको अनुसन्धानमा खुल्न आएको ईलाका प्रहरी कार्यलय मेलम्चीका प्रहरी निरिक्षक फल बहादुर तामाङले बताए।
३९ बर्षका छोवाङलाई ज्यान सम्बन्धी कसुर अन्तर्गत आज जिल्ला अदालत सिन्धुपाल्चोकबाट म्याद थप गरी अनुशन्धान भईरहेको उनले बताए।
खबरज्योति डट कमका लागि
प्रवन्ध निर्देशक : विदुर गिरी
प्रधान सम्पादक : युवराज गिरी
प्रतिक्रिया दिनुहोस