फुलमान तामाङ
२९ असोज २०७४, नवलपुर ।
नवलपुर युनाइटेड क्लबले आयोजना गरेको प्रथम जिल्ला स्तरीय फुटबल टुर्नामेन्टको क्वाटर फाइनलको पहिलो खेलमा नवलपुर युनाइटेड (ए) ले एण्टिवाइसी भारी गोलले पराजीत गरेको छ ।
आयोजक ए ले १३ गोल गरेको छ भने एनटिवाइसीले १ गोल फर्काएको छ । सेमिफाइनलमा पुर्याउन आयोजक ए को तर्फबाट कृष्ण भण्डारीले ६ गोल, अजय तामाङले २ गोल, सुजन माझीले २ गोल, सोनम तामाङले २ गोल र दिपक घिसिङले १ गोल गरेका थिए ।
त्यस्तै शनिबार भएको अर्को खेलमा आयोजक सि लाई आयोजक बि ले २–० गोलले पराजित गर्दै आयोजक बि पनि सेमिफाइनलमा प्रवेश गरेको छ । सेमिफाइनल भने आज हुँदैछ । इन्द्रावती गाउँपालिका– ५ स्थित ऐसेलुखर्क मैदान भईरहेको खेलको सेमिफईनल को पहिलो खेल आज नवलपुर युनाइटेड ब भर्सेस कमलादेवी युथ क्लबबीच हुने जनाईएको छ ।
आयोजक क्लबका अध्यक्ष चीन लामाका अनुसार प्रतियोगिताको विजेताले नगद १ लाख ५१ हजार रुपैयाँ, मेडल, कप र प्रमाणपत्र हात पार्नेछन् भने दोस्रो हुनेले १ लाख एक हजार रुपैयाँ, मेडल, कप, प्रमाणपत्र र तेस्रो हुने टीमले ५१ हजार रुपैयाँ, मेडल, कप र प्रमाणपत्र प्राप्त गर्नेछन् । उक्त टुर्नामेन्ट मा १४ वटा टिम सहभागी छन् ।
खबरज्योति डट कमका लागि
प्रवन्ध निर्देशक : विदुर गिरी
प्रधान सम्पादक : युवराज गिरी
प्रतिक्रिया दिनुहोस