ईश्वरका चार कविता

२०७४ आश्विन २८, शनिबार मा प्रकाशित ७ साल अघि

• ईश्वर थोकर

१. मानसिक वार्डबाट
मेरो एउटा
कुकुर साथी थियो
निक्खुर
कालो
मन्दिरमा
भेटेको
केही दिनअघि मात्रै केही मान्छेहरुले
समाएर मलाई
एम्बुलेन्समा राख्दै थिए
उसको आँखामा
अचानक मैले
आँसु देखेँ ।
000

२. मेरो बाल्यकाल
क्याफे न्यातपोल सामुन्ने
एउटा बुढो कीलामा
स्कुल बस
नआउन्जेलसम्म
झुण्ड्याईरहन्थें – रातो तुम्लेट

जब, बस आउँथ्यो –
स्कुल बस
खोलेर सुटुक्क सुकुलढोका
र लगत्तै
गुड्थें म
सिङ्गो बाल्यकाल बोकेर ।
000

३. प्रेमिकासँग
एउटा
गीत लेखें

विषय–
तिमी बसेको आँखीझ्याल
000

४. सम्झना – १
मलाई मनपर्छ –
‘राजमती कुमती।।।’
स–साना घोडा माथी चढेर
गाउँथें म यहि गीत
स्कुल छुट्टीका दिन् ।
000

२८ असोज २०७४ गते प्रकाशित