सुस्मा तिमल्सिना
माघ १०, २०७७
रात ढल्किदै गएपछि
बादलहरु लुक्दै जाने क्रममा
जब झुल्किन थाल्छन् ताराहरु
मानौं उनिहरु एकआपसमा
लुकिलुकि हेर्दै छन्
हो त्यो बेला म तिमीलाई सम्झन्छु ।
परको टुक्रे बादलमा
आफ्नो प्रियतम् को तस्वीर बनाएर
उसैलाई पछ्याउदै उडिरहेकी चरी देख्दा
लाग्छ, ऊ हतार हतार
आफ्नो प्रियतम् भेट्न आतुर छे
त्यो बेला पनि म तिमीलाई सम्झन्छु ।
हजारौं प्रियतमहरुका सुगन्ध बोकेर
दौडिरहने हावा सँग जब एकाकार हुन्छु म
कता कता तीव्र गन्ध पनि
त्यही मिसिएझैं लाग्छ
त्यो बेला पनि म तिमीलाई सम्झन्छु ।
फुल्दै गरेका कोपिला देख्दा
हास्दै गरेका तिम्रा आँखा सम्झन्छु म
कल्काउला पालुवालाई छोएर
तिम्रो स्पर्श सम्झन्छु म
मीठो बासुरीको धुनले तिम्रो
आवाजको झल्को दिन्छ
यी सबै बेलाहरुमा म सधैं तिमीलाई सम्झन्छु ।
बिहानीमा बाहिर हिड्दै गर्दा
जब शीतका थोपाहरुले निथ्रुक्कै भिजाउँछन्
त्यो बेला लाग्छ तिम्रा यादहरुले भिजिरहेकी छु
शिरानी लाई काखी च्याप्दा नसम्झने कहाँ हुँ र
जब निद नलागेर कोल्टे फेर्दा फेर्दै रात बित्छ
जाने हुन्छ त्यो बेला पनि
म तिमीलाई सम्झन्छु।
यादहरुमा नै रमाउन सिकिसकेछु मैले
ए१ रुमानी यादहरु धन्न साथमा उसलाई
लिएर आएका छैनौ
र त मैले यादहरुमा उसलाई सम्झन्छु ।
खबरज्योति डट कमका लागि
प्रवन्ध निर्देशक : विदुर गिरी
प्रधान सम्पादक : युवराज गिरी
प्रतिक्रिया दिनुहोस