मंसिर २६, २०७७
चौतारा । मेलम्ची खानेपानी आयोजनाबाट पाउनुपर्ने बाँकी रकम भुक्तानीको माग गर्दै आएका स्थानीय सप्लायर्सले आयोजनाविरुद्ध पुनःआन्दोलनको सुरुवात गरेका छन् ।
यस अघि पनि रकम भुत्तानीको माग राख्दै पटक पटक आन्दोलन गर्दै आएका उनीहरुको माग सुनुवाइ नभएको भन्दै फेरी पनि आयोजना बिरुद्ध बिहिबारबाट आन्दोलन थालेका हुन् ।
हालसम्म पनि रकम भुक्तानिको सुनिश्चितता नभएका कारण आयोजना बिरुद्ध आन्दोलनमा उत्रिन परेको पीडित स्थानीय सप्लायर्स उत्तर कुमार श्रेष्ठले बताए।
आयोजनाबाट पीडित मजदूर तथा सप्लायर्सको समस्या समाधानका लागि भन्दै विभिन्न चरणमा छलफल तथा कार्यदल गठन भएता पनि हालसम्म रकम भुत्तानीको ठोस निर्णय नभएकोले राष्ट्रिय गौरबको आयोजना बिरुद्ध अन्तिम लडाईको तयारी गर्नुपरेको अर्का सप्लायर्स बिष्णुमणी आचार्यले बताए।
सिएमसी बाट पाउनुपर्ने रकम भुत्तानीको माग राख्दै मेलम्ची खानेपानी बिकास समितिलाई गत कार्तिकमा बुभाइएको ज्ञापन पत्रको हालसम्म पनि सुनुवाई नभएको र उक्त पत्रको बोद्यार्थ जिल्लादेखि प्रधानमन्त्रीको कार्यालय सम्म दिँदा समेत मेलम्ची पीडितको वेवास्था गरिएकोले आन्दोलनको बिकल्प नभएको आचार्यको भनाई छ ।
हालै मात्र इटालियन ठेकेदार कंम्पनी सिएमसीले विश्वका विभिन्न देशका भेन्डर तथा सप्लायर्सहरुलाई तिर्न बाँकी रकमको सुची सार्वजनिक गरेको छ । जसमा मेलम्ची खानेपानी आयोजनामा सिएमसीले स्थानीय भेन्डर तथा सप्लायर्सहरुको तिर्न बाँकी रकम समेत उल्लेख गरेको छ । सोको आधारमा पनि नेपाल सरकारले सिएमसी संग जफत गरेको धरौटी रकमबाट स्थानीय सप्लायर्स तथा भेन्डरको रकम भुत्तानी गर्नुपर्ने उनले बताए।
आयोजनाले स्थानीय सप्लायर्सहरुको साढे सत्र करोडभन्दा बढी रकम भुक्तानी दिन बाँकी रहेको पीडित सप्लायर्सले बताउँदै आएका छन् । पीढित सप्लायर्सहरुले आजबाट आयोजनाको सामान ढुवानी गर्ने कुनैपनि साधनहरु चल्न नदिएको बताएका छन् ।
खबरज्योति डट कमका लागि
प्रवन्ध निर्देशक : विदुर गिरी
प्रधान सम्पादक : युवराज गिरी
प्रतिक्रिया दिनुहोस