मंसिर १९, २०७७
चौतारा । अभिनेत्री श्वेता खड्काले प्रेमी विजयन्द्र सिंह रावतसँग विवाह गर्ने पक्का भएको छ। उनीहरु मंसिर २२ गते विवाह गर्न लागेका हुन्।
श्वेता र विजयन्द्र केही समयदेखि प्रेममा रहेको चलचित्र वृत्तमा चर्चा भए पनि उनीहरुले आधिकारिक रुपमा भने यस कुरालाई स्वीकार गरेका थिएनन्। तर‚ उनीहरुको विवाहको कार्ड नै बाहिरिए विवाह हुने सार्वजनिक भएको हो। विवाहको कार्ड अनुसार स्वेताको विवाह गोकर्ण फरेस्ट रिसोर्टमा हुनेछ।
अभिनेत्री खड्काले २०७१ असार २३ गते अभिनेता श्रीकृष्ण श्रेष्ठसँग विवाह गरेकी थिइन्। तर, विवाहको एक महिनापछि साउन २५ गते श्रीकृष्णको निधन भयो।
श्वेता अहिले चलचित्र क्षेत्रसँगै व्यापार र सामाजिक क्षेत्रमा पनि सक्रिय छिन्। उनले सिन्धुपाल्चोकको चौतारा साँगाचोकगढी नगरपालिका अन्र्तगतको झ्याडीको माझि गाउँमा एकिकृत बस्ती समेत बनाएकी छन्।
खबरज्योति डट कमका लागि
प्रवन्ध निर्देशक : विदुर गिरी
प्रधान सम्पादक : युवराज गिरी
प्रतिक्रिया दिनुहोस