सिन्धुपाल्चोकमा एकैदिन थपिए २५ काेराेना संक्रमित

२०७७ आश्विन २६, सोमबार मा प्रकाशित ४ साल अघि

असाेज २६, २०७७
चाैतारा: सिन्धुपाल्चोकमा एकैदिन २५ जनामा काेराेना पुष्टि भएकाे छ। स्वास्थ्य मन्त्रालयकाे तथ्यांक अनुसार साेमबार थप २५ जनामा काेराेना पुष्टि भएकाे स्वास्थ्य मन्त्रालयकाे प्रवक्ता जागेश्वर गाैतमले जानकारी दिए।

याेसँग‌ै सिन्धुपाल्चोकमा आजसम्म कोरोना संक्रमित हुनेको संख्या २६५ पुगेको  जिल्ला स्वास्थ्य कार्यालयले बतायाे। ६५ महिला र २०० पुरुषसहित २६५ जनामा कोरोना संक्रमण पुष्टि भएको छ । तीमध्ये २ महिला र ५ पुरुष गरी ७ जनाको को मृत्यु भएको छ । ४१ महिला र ९९ पुरुष गरी १४० जना उपचारपछि निको भएर घर फर्कीसकेका छन् । बाँकी २२ महिला र ९९ पुरुष गरी १२१ जनाको विभिन्न अस्पताल तथा आइसोलेसनमा उपचार भइरहेको छ ।

देशभर ४ हजार ४७ जनामा कोरोना पुष्टि भएको छ। सोमबार देशभरका प्रयोगशालाहरुमा गरिएको १४ हजार ५३० जनाको पीसीआर परीक्षणमा ४ हजार ४७ मा कोरोना पुष्टि भएको हो।

हाल नेपालमा संक्रिय संक्रमितको ३३ हजार ८ सय ८० पुगेको छ। कोरोना भाइरसको संक्रमणबाट थप ९ जनाको मृत्यु भएको छ । हालसम्म कोरोना संक्रमणबाट मृत्यु हुनेको संख्या ६४५ पुगेको छ।