असोज २६, २०७७
चौताराः नेपालमा बितेको २४ घण्टामा थप ४ हजार ४७ जनामा कोरोना पुष्टि भएको छ। सोमबार देशभरका प्रयोगशालाहरुमा गरिएको १४ हजार ५३० जनाको पीसीआर परीक्षणमा ४ हजार ४७ मा कोरोना पुष्टि भएको हो।
योसँगै हाल नेपालमा संक्रिय संक्रमितको ३३ हजार ८ सय ८० पुगेको स्वास्थ्य मन्त्रालयको प्रवक्ता डाक्टर जागेश्वर गौतमले यसबारे जानकारी दिए।
त्यस्तै, पछिल्लो २४ घण्टामा कोरोनामुक्त हुनेहरूको संख्या १४ सय ७३ छ। संस्थागत आइसोलेसनमा १३ हजार ९२३ सय ४९ जना रहेको पनि प्रवक्ता गौतमले बताए। त्यस्तै, होम आइसोलेसनमा रहने संक्रमितको संख्या १९ हजार ९ सय ५७ छ।
यस्तै, कोरोना भाइरसको संक्रमणबाट थप ९ जनाको मृत्यु भएको छ । मृत्यु हुनेमा दुई महिला र सात पुरुष रहेका छन्।आइतबार देशभर कोरोना संक्रमणबाट २२ जनाको मृत्यु भएको थियो। हालसम्म कोरोना संक्रमणबाट मृत्यु हुनेको संख्या ६४५ पुगेको छ।
खबरज्योति डट कमका लागि
प्रवन्ध निर्देशक : विदुर गिरी
प्रधान सम्पादक : युवराज गिरी
प्रतिक्रिया दिनुहोस