असोज २६, २०७७
एजेन्सीः इजरायलमा प्रधानमन्त्री बेन्जामिन नेतान्याहुको राजीनामाको माग गर्दै दशौँ हजार नागरिक सडकमा उत्रिएका छन् ।
शनिबार साँझ उनीहरुले देशव्यापी रुपमा प्रदर्शन गरेका हुन् । कोरोनाभाइरसको महामारीका बेला राज्यसत्ताको दुरुपयोग गरेको तथा भ्रष्टाचार गरेको आरोप लगाउँदै इजरायली जनताहरु सडकमा उत्रिएका हुन् ।
देशमा कोभिड विरुद्धको लकडाउनका बावजुद सय भन्दा धेरै स्थानमा शनिबार ठूला प्रदर्शन भएका थिए । प्रदर्शनकारीले जेरुसेलमस्थित नेतान्याहुको कार्यालय अगाडि पनि ठूलो प्रदर्शन गरे ।
स्थानीय मिडियाका अनुसार राजधानीको भव्य प्रदर्शनस्थल तेल अभिभमा पनि हजारौँ प्रदर्शनकारी थिए । प्रदर्शनकारीले देशको राष्ट्रिय झण्डा साथै विभिन्न रंगका सांकेतिक प्लेकार्ड सरकारविरुद्ध प्रदर्शन गरेका थिए ।
‘बिबी’ उपनामबाट चिनिने प्रधानमन्त्री नेतान्याहुलाई सम्बोधन गर्दै केही प्लेकार्डमा लेखिएको थियो, ‘बिबी, तिमी मेरो भविष्य ध्वस्त पार्दैछौ, जाऊ ।’ इजरायलमा यसअघि पनि बारम्बार प्रदर्शन हुने गरेको थियो । यही वर्षको सुरुदेखि नै पटक पटक उनीविरुद्ध आन्दोलन भएका थिए । नेतान्याहुले भने प्रदर्शनलाई ‘अराजक समूह’ भन्दै दबाउने प्रयास गरिरहेका छन् ।
खबरज्योति डट कमका लागि
प्रवन्ध निर्देशक : विदुर गिरी
प्रधान सम्पादक : युवराज गिरी
प्रतिक्रिया दिनुहोस