असाेज २२, २०७७
चौताराः जुगल गाँउपालिका–४, माञ्जेमा जुगल–३ की ३२ वर्षिया एक महिला सामुहिक बलात्कार गर्ने चारमध्ये दुई जना पक्राउ परेको छन्। गत १५ गते जलवीरेबाट घर जाँदै गर्दा बोलेरोभित्र लगी चार जनाले बलात्कार गरेका थिए।
आरोपीमध्ये दुई जना पक्राउ गरिएको जिल्ला प्रहरी कार्यालय सिन्धुपाल्चोकका प्रहरी नायव उपरिक्षक प्रकाश सापकोटाले जानकारी दिए। अन्य दुई जनाको खोजिकार्य जारी रहेको उनले बताए।
पक्राउ परेकासाग सोधपुछ भइरहेकोले उनीहरुको पहिचान गोप्य राखिएको उनले बताए। पीडित महिलाले गरेको पहिचानका आधारमा चार जनामध्ये दुई जना मात्रै पक्राउ गरेको उनको भनाई छ।
घर जान बाटोमा हिडीरहेकी उनलाई मोटरसाइकलमा आएका व्यक्तिले बोलेरो गाडीमा लगेर बलात्कार गरेको पीडित महिलाले बताएकी छिन् । घटनामा प्रयोग भएको बोलेर र मोटरसाइकल समेत प्रहरीको नियन्त्रणमा रहेको छ। पीडित महिला सुरक्षित वातावरणमा महिला सेल्टरमा राखेर आवश्यक सुरक्षामा छिन् ।
खबरज्योति डट कमका लागि
प्रवन्ध निर्देशक : विदुर गिरी
प्रधान सम्पादक : युवराज गिरी
प्रतिक्रिया दिनुहोस