असोज १६, २०७७
चौताराः सिन्धुपाल्चोक चौताराबाट संघीय राजधानी काठमाडौँमा नयाँ डिलक्स बस सञ्चालनमा आएको छ। चाडपर्वलाई लक्षित गर्दै चौतारा–काठमाडौँ नयाँ डिलक्स सञ्चालन ल्याइएको हो।
पूर्व अरनिको यातायात प्रा.लि.द्वारा बिहिबारबाट नयाँ बस सञ्चालनमा ल्याएको व्यवसायी सागर श्रेष्ठले बताए। पूर्व अरनिको यातायात प्रा.लि लोकन्थलीले अनुमति दिएसँगै बिहिबारबाट बस सञ्चालनमा ल्याइएको हो।
कोरोना भाइरसको कारणले स्वास्थ्य मापदण्ड अपनाएर नयाँ डिलक्स बस सञ्चालन ल्याइएको छ। बसको शुभारम्भको चौतारा साँगाचोकगढी नगरपालिकाका प्रमुख अमानसिं तामाङले गरेका छन्।
नयाँ डिलक्समा प्रत्येक सिटमा मोवाईल चार्ज गर्न मिल्ने, गर्मीमा पंखा तथा जाडोमा न्यानोको व्यवस्था तथा खानेपानीको सुविधा सहित आरमदायी यात्रा गर्न पाईनेछ ।
डिलक्स चौताराबाट बिहान ७ः०० बजे, १ः४५ बजे र ४ः०० बजे छुट्ने छ । त्यस्तै काठमाडौँको नारायणटारबाट बिहान ५ः५० बजे, पुरानो बसपार्कबाट बिहान ७ः०० बजे, पुरानो बसपार्कबाट दिउँसो ४ः०० बजे छुट्नेछ।
खबरज्योति डट कमका लागि
प्रवन्ध निर्देशक : विदुर गिरी
प्रधान सम्पादक : युवराज गिरी
प्रतिक्रिया दिनुहोस