असोज ८, २०७७
चौताराः नेपालमा पछिल्लो २४ घण्टामा १४ सय ९७ जनामा कोरोना भाइरसको संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार ११ हजार ४४९ जनाको पीसीआर परीक्षण गर्दा १४९७ जनामा कोरोना संक्रमण भएको हो ।
यससँगै देशभर हालसम्मको कुल संक्रमित संख्या ६९ हजार ३०१ पुगेको मन्त्रालयका प्रवक्ता डा जागेश्वर गौतमले जानकारी दिए ।
पछिल्लो २४ घण्टामा कोरोना भाइरस संक्रमणमुक्त भई ४५७ जना डिस्चार्ज भएको उनले बताए। बिहीबारसम्म ५० हजार ४११ जना कोरोनामुक्त भएर घर गएका छन्।
यस्तै ६ हजार ५६५ जना क्वारेन्टिनहरुमा रहेका छन् ।पछिल्लो २४ घण्टामा थप १७ जनाको मृत्यु भएपछि मृतकको कुल संख्या ४५३ पुगेको मन्त्रालयले जनाएको छ ।
यस्तै देशभर हाल सक्रिय संक्रमितको संख्या १८ हजार ४३७ रहेको छ । जसमा संस्थागत आइसोलेशनमा ८ हजार ६१४ जना रहेका छन् भने होम आइसोलेशनमा ९ हजार ८२३ जना रहेका छन् ।
आजको विस्तृत विवरण
खबरज्योति डट कमका लागि
प्रवन्ध निर्देशक : विदुर गिरी
प्रधान सम्पादक : युवराज गिरी
प्रतिक्रिया दिनुहोस