असोज ६, २०७७
चौताराः सिन्धुपाल्चोक जिल्लालाई सरकारले विपद्ग्रस्त क्षेत्रको रुपमा घोषणा गर्ने निर्णय गरेको छ। मंगलबार बसेको मन्त्रिपरिषद्को बैठकले सिन्धुपाल्चोक जिल्लालाई विपद्ग्रस्त क्षेत्रको रुपमा घोषणा गर्ने निर्णय गरेको हो।
सिन्धुपाल्चोकलाई विपद्ग्रस्त क्षेत्र घोषणा गरेर क्षतिको आधारमा पुनर्निमाण र बस्ती स्थानान्तरणको काम अघि बढाइने निर्णय गरेको मन्त्री पार्वत गुरुङले जानकारी दिए।
सिन्धुपाल्चोक जिल्लामा असारयता पहिरोबाट ७० जनाले ज्यान गुमाएका छन् भने ३८ जना अझै वेपत्ता छन्। बाढी र पहिरोका कारण १ सय ६ घर पूर्णरुपमा क्षति भएका छन्।
सिन्धुपाल्चोक बाह्रविसे नगरपालिका, भोटेकोशी, जुगल गाउँपालिका पहिरोको उच्च जोखिममा परेका छन्। असारयता मात्रै सिन्धुपाल्चोकमा चार ठुलो पहिरो गइसकेको छ। सिन्धुपाल्चोकका ११ हजार भन्दा धेरै घर पहिरोको जोखिममा रहेको तथ्यांक छ।
खबरज्योति डट कमका लागि
प्रवन्ध निर्देशक : विदुर गिरी
प्रधान सम्पादक : युवराज गिरी
प्रतिक्रिया दिनुहोस