असोज ३, २०७७
चौताराः जिल्लाको त्रिपुरासुन्दरी गाउँपालिकामा कक्षा ११ र १२ निःशुल्क पढाइने भएको छ । गाउँपालिकाको वडा नं ३ धुस्कुनमा रहेको श्री महेन्द्र प्रताप माध्यामिक विद्यालयले कक्षा ११ र १२ निःशुल्क पढाउने भएको हो ।
सरकारले प्रत्येक बालबालिकाले कक्षा १२ सम्मको शिक्षा निःशुल्क पाउने भनेर घोषणा गरेको भए पनि हालसम्म कुनै पनि विद्यालयमा त्यस्तो व्यवस्थाका छैन।
एसइईपछि आफूले इच्छाएको विषय अध्ययन गर्न महङ्गो खर्चमा आफ्नो गाउँ छोडेर सहर बजार जाने विद्यार्थीलाई आफ्नै गाउँमा निःशुल्क शिक्षा पाउने वातावरण सिर्जना भएपछि घट्दै गएको विद्यार्थी सङ्ख्या बढ्ने विश्वास गरिएको छ ।
विद्यार्थी तथा अभिभावकलाई पनि अर्थिक भार नहुने हेतुले उक्त अभियान शुरु गरिएको वडाध्यक्ष सुकदेव रिसालले बताए ।
रिसालको यो अभियानमा विद्यालयले भर्ना कार्यक्रम शुरु गरिसकेको छ भने उक्त अभियानलाई सहजताका साथ अघि बढाउन विद्यालय व्यवस्थापन समिति अध्यक्ष बलराम न्यौपाने र प्रध्यानाध्यापक सुरज भट्टराई पनि लागिपरेका छन्। रासस
खबरज्योति डट कमका लागि
प्रवन्ध निर्देशक : विदुर गिरी
प्रधान सम्पादक : युवराज गिरी
प्रतिक्रिया दिनुहोस