भदौ २८, २०७७
चौताराः सिन्धुपाल्चोकको बाह्रविसे नगरपालिका–७ घुम्थाङको नागपुचे र भीरखर्कमा गएराति पहिरोले घर बगाउँदा २ जनाको मृत्यु भएको छ। २२ जना बेपत्ता भएका छन्।
जिल्ला प्रहरी कार्यालय सिन्धुपाल्चोकको अनुसार नागपुचेमा ७ वटा घर पुरिँदा १ जनाको मृत्यु र १६ जना बेपत्ता भएका छन्। ६० वर्षीया भक्तिमया श्रेष्ठको शव भेटिएको उनले बताए।
यस्तै भीरखर्कमा २ घर पहिरोले पुरिएको ठाउँमा २२ वर्षीया जुनु विकको शव भेटिएको छ। ६ जना बेपत्ता भएका छन् ।
अहिले स्थानिय र प्रहरी उद्धारमा खटिएका नगरपालिकाका प्रमुख निमफुन्जो शेर्पाले जानकारी दिए। उनका अनुसार विस्तृत विवरण आउन बाँकी छ।
सिन्धुपाल्चोकमा केहि समय अघि मात्रै पहिरोले गाउँ नै बगाउँदा ठुलो जनधनको क्षति भएको थियो । बाह्रबिसे नगरपालिका–५ जम्बु र जुगल गाउँपालिका–२ लिदी पहिरोले ठुलो क्षति पुर्याएको थियो।
खबरज्योति डट कमका लागि
प्रवन्ध निर्देशक : विदुर गिरी
प्रधान सम्पादक : युवराज गिरी
प्रतिक्रिया दिनुहोस