खबरज्योति,
९ असोज २०७४, काठमाण्डौ ।
काठमाडौं १६ वर्षमुनिको एसिया कप फुटबलमा नेपालको छनौट हुने सम्भावना सकिएको छ । छनौट खेल अन्तर्गत भारत र इराकबीचको खेल गालरहित बराबरीमा टुङ्गिएकाले नेपालको सम्भावना सकिएको हो ।
सोह्र वर्षमुनिको एएफससी च्याम्पियनसिप फुटबलको छनौटमा नेपालले आइतबार प्यालेस्टाइनसँग खेल्दैछ । नेपालले प्यालेस्टाइनलाई फराकिलो गोलअन्तरले हराएमामा र अर्को खेलमा इराकले भारतलाई हराए उत्कृष्ट उपविजेताका रुपमा च्याम्पियसिपमा छनौट हुने नेपालको सम्भावना थियो ।
तर इराक र भारतले अंक बाँडेपछि नेपालको छनौट हुने सम्भावना सकिएको हो । समूह विजेता इराकको ७ अंक रहेको छ भने समूह उपविजेता भारतको ५ अंक रहेको छ । नेपालको एक अंक मात्रै छ । प्रतियोगिताबाट बाहिरिइसकेको प्यालेस्टाइनलाई हराउँदा पनि नेपालको ४ अंक मात्रै हुनेछ । समूहको अन्तिम खेलमा नेपालले प्यालेस्टाइनसँग ३ः३० बजे सशस्त्र प्रहरीको हल्चोकस्थित मैदानमा खेल्दैछ ।
१० समूहमा भइरहेको छनौट प्रतियोगितामा सबै समूहका विजेता च्याम्पियनसिपका लागि छनौट हुनेछन् भने १० समूहका १० उपविजेतामध्ये ५ वटा देश उत्कृष्ट उपविजेताका रुपमा छानिनेछन् ।
खबरज्योति डट कमका लागि
प्रवन्ध निर्देशक : विदुर गिरी
प्रधान सम्पादक : युवराज गिरी
प्रतिक्रिया दिनुहोस