भदौ १५, २०७७
बर्लिनः जर्मनीमा लगाइएको कोरोना प्रतिबन्धविरुद्ध भएको आन्दोलनमा ३ सय जना पक्राउ परेका छन्। बर्लिन लगायतका विभिन्न ठाउँमा भएका आन्दोलनमा सहभागीलाई प्रहरीले नियन्त्रणमा लिएको हो।
बीबीसीका अनुसार आन्दोलनमा करिब ३८ हजार सहभागी भएका थिए। उक्त आन्दोलन ‘निकै शान्तिपूर्ण’ रहेको बताइएको छ।
एउटै र्यालीबाट २ सय बढी सहभागी पक्राउ परेका छन्। अधिकारीहरूका अनुसार प्रदर्शनकारीले पानीको बोतल तथा ढुङ्गा प्रहार गरेका कारण उनीहरू समातिएका हुन्।
यसैगरी कोरोना प्रतिबन्ध हटाउनुपर्ने माग गर्दै युरोपका विभिन्न सहरहरूमा र्यालीहरू भएका छन्। बेलायतको लन्डनमा पनि हजारौँको संख्यामा भेला भएको बताइएको छ।
उस्तै किसिमका र्यालीहरू पेरिस, भिएनलगायतका स्थानमा पनि भएको बीबीसीले जनाएको छ। एजेन्सी
खबरज्योति डट कमका लागि
प्रवन्ध निर्देशक : विदुर गिरी
प्रधान सम्पादक : युवराज गिरी
प्रतिक्रिया दिनुहोस