भदौ २, २०७७
चौताराः जुगल गाउँपालिका–२ लिदीको पहिरोमा बेपत्ता भएकामध्ये थप दुईको को शव भेटिएको छ । योसँग २४ जनाको शव भेटिएको छ। पहिरोमा परेर ३९ जना बेपत्ता भएका थिए ।
आज ७२ वर्षकी महिला सिरीमाइ दोङ्ग र ८७ वर्षकी धनलक्ष्मी दोङ्गको शव फेला परेको इलाका प्रहरी कार्यालय जलबिरेका प्रहरी निरीक्षक हरि भट्टराईले जानकारी दिए।
शव फेला परिएकोमध्ये १३ जना पुरुष र ११ जना महिला रहेका छन् । त्यसमध्ये १२ जना बालबालिका मात्रै रहेका छन्। पहिरोमा हराइरहेकाहरूको खोजीमा नेपाली सेना, नेपाल प्रहरी गरी ६६ जना र स्थानीय बासीहरू जुटेका छन् ।
एक्साभेटर ल्याउन सकिने अवस्था नरहेकोले पिक, साबेल र कोदालोका भरमा खोजी कार्य भइरहेको प्रमुख जिल्ला अधिकारी उमेश कुमार ढकालले जानकारी दिए।
खबरज्योति डट कमका लागि
प्रवन्ध निर्देशक : विदुर गिरी
प्रधान सम्पादक : युवराज गिरी
प्रतिक्रिया दिनुहोस