साउन २३, २०७७
चौताराः चौतारा साँगाचोकगढी नगरपालिकाले आर्थिक वर्ष २०७६।७७ को वार्षिक प्रगति सार्वजनिक गरेको छ । चालु आर्थिक वर्षको वार्षिक कार्यक्रमसँगै गएको वर्षको प्रगति सार्वजनिक गरेको हो।
गत वर्ष नगरपालिकाले संघीयतर्फको बजेटमा कुलमध्ये ६४ दशमलव ७७ प्रतिशत रकम खर्च गरेको प्रमुखख प्रशासकीय अधिकृत कृष्णप्रसाद पाण्डेले बताए।
कुल ११ करोड ८५ लाखमध्ये सात करोड ६७ लाख ६३ हजार रुपैयाँ खर्च भएको छ। त्यस्तै प्र्रदेशतर्फको २६ करोड ६२ लाख चार हजार बजेटमध्ये १७ करोड ९१ लाख ६० हजार रुपैयाँ खर्च भएको थियो । प्रदेशको बजेटमध्ये खर्च भएकोमा ६८ दशमलव ७४ प्रतिशत गरेको छ। आन्तरिक स्रोत आम्दानीबाट ९५ दशमलव २१ प्रतिशत रकम खर्च भएको छ।
आन्तरिक स्रोतको चौध करोड चार लाख बीस हजार मध्ये तेह्र करोड ३७ लाख रुपैयाँ खर्च भएको हो । नगरपालिकाले पुजीगततर्फ ६८ दशमलव ७१ र चालुतर्फ ८५ दशमलव ६१ प्रतिशत रकम खर्चेको छ।
खबरज्योति डट कमका लागि
प्रवन्ध निर्देशक : विदुर गिरी
प्रधान सम्पादक : युवराज गिरी
प्रतिक्रिया दिनुहोस