साउन ६, २०७७
काठमाडौँः नेपाल यातायात व्यवसायी राष्ट्रिय व्यवसायी महासंघले बिहीबारबाट यातायात सञ्चालन गर्ने निर्णय गरेको छ। महासंघ र ३ वटा ट्रेड युनियनहरूले मंगलबार काठमाडौँमा गरेको संयुक्त पत्रकार सम्मेलनमार्फत बिहिबारबाट निरन्तर यातायाताको साधन सञ्चालन गने निर्णय गरेको हो।
यातायात श्रमिकहरूको सामूहिक कोरोना बीमाका लागि सरकारले ५० प्रतिशत र व्यवसायीले ५० प्रतिशत रकम व्यहोर्ने सहमति भएपछि व्यवसायीहरू यातायात सञ्चालन गर्न तयार भएका हुन् । लामो र छोटो दूरीको यातायात सञ्चालनका लागि महासंघ तयार भएको महासंघका अध्यक्ष योगेन्द्रनाथ कर्माचार्यले बताए ।
कोरोनाका कारण यातायात श्रमिकको मृत्यु भएमा आश्रित परिवारलाई क्षतिपूर्ति उपलब्ध गराउने गरी सरकारको तर्फबाट कोषको स्थापना गर्न विभागमार्फत भौतिक पूर्वाधार तथा यातायात मन्त्रालयमा पठाउने समझदारी पनि व्यवसायीहरूले गरेका छन् ।
छोटो, मध्यम र लामो दूरीको सवारी सञ्चालनका लागि यातायात व्यवस्था विभागले पहल गर्ने सहमति समेत भएको छ।
श्रमिकलाई आवश्यक पर्ने मास्क, पञ्जा, स्यानीटाइजर र पीपीईलगायतका स्वास्थ्य सामग्री सम्बन्धित व्यवसायीले नै उपलब्ध गराउने भएका छन् ।
सरकारले २६ असारबाटै यातायात सञ्चालनको निर्णय गरेपनि व्यवसायीहरू विभिन्न माग राख्दै आएका थिए ।
खबरज्योति डट कमका लागि
प्रवन्ध निर्देशक : विदुर गिरी
प्रधान सम्पादक : युवराज गिरी
प्रतिक्रिया दिनुहोस