असार २४, २०७७
चौताराः सभामुख अग्निप्रसाद सापकोटाको आज मोतियाविन्दुको शल्यक्रिया गराएका छन्। काठमाडौंस्थित तिलगंगा आँखा अस्पतालमा दायाँ आँखाको शल्यक्रिया गरिएको हो।
सभामुख सापकोटाको वरिष्ठ चिकित्सक डा. सन्दुक रुइतसहितको टोलीले शल्यक्रिया गरेको हो। केही समय यता सापकोटाको आँखामा समस्या देखिएको थियो।
चिकित्सकहरुको सल्लाहमा आज शल्यक्रिया गरिएको सभामुखका प्रेस सल्लाहकार श्रीधर न्यौपानेले जानकारी दिए। उपचारका क्रममा लागेको सम्पूर्ण खर्च राज्य कोषमा व्ययभार नपर्नेगरी सभामुख सापकोटा स्वयंले व्यहोरेका छन्।
शल्यक्रिया पछि सभामुख सापकोटा अहिले आराम गरिरहेको न्यौपानेले जानकारी दिए।
खबरज्योति डट कमका लागि
प्रवन्ध निर्देशक : विदुर गिरी
प्रधान सम्पादक : युवराज गिरी
प्रतिक्रिया दिनुहोस