भूकम्पछि बन्द तातोपानी नाका चार बर्षपछि खुल्यो

२०७६ जेष्ठ १५, बुधबार मा प्रकाशित ५ साल अघि

खबरज्योति २०७६ जेठ १५ बुधबार
तातोपानी: विनाशकारी भुकम्पपछि बन्द रहेको तातोपानी नाका खुलेको छ । उद्योग तथा वाणिज्य मन्त्री मातृका यादव तथा चीनको भन्सारका उपमन्त्री झाङ जिवेन तथा चिनियाँ राजदुत हाउ याङ जिले संयूक्त रुपमा बुधाबार नाका सञ्चालनको घोषणा गरेका हुन् ।
मंगलबार खासा गएको चार वटा कन्टेरनलाई सिमा पार गराएर तातोपानी नाका सञ्चालनमा ल्याएको घोषण गरेका हुन् । पहिलो पटक नाकाबाट चार वटा कन्टेनरले ऊन बोकेर तिब्बतको खासाबाट नेपाल प्रवेश गराएर कारोबार सुरु गरिएको छ ।
मितेरी पुलमा रिबन काटेर बन्द नाका खुलेको घोषणासँगै मालबाहक कन्टेनर नेपाल ल्याइएको छ । नेपालबाट भने उद्योगमन्त्री यादव, सांसदद्धय अग्निप्रसाद सापकोटा, शेरबहादुर तामाङ, मन्त्रालयकै उद्योग सचिव, वाणिज्य सचिव, सहसचिव, परराष्ट्र मन्त्रालयका सहसचिव र भन्सार विभागका महानिर्देशक रामेश्वर दंगाल, प्रमुख जिल्ला अधिकारी गोमादेवि चेम्जोङलगाइतको उपस्थितिमा नाका सञ्चालनमा ल्याइएको हो ।