यो दुनियाँमा बलेकै आगो ताप्ने चलन छ ।
सके त खुट्टा तान्ने नसके सराप्ने चलन छ ।
आँफु कैलै झुटो हुन्न भन्ने भ्रम छ उसमा,
एउटा सत्य छोप्न सयौ झुट गाप्ने चलन छ ।
सक्कली त केहीँ छैन सबै थोक बनावटी,
पितललाई सुनको ठाऊँमा छाप्ने चलन छ ।
खास्टोमा लुकाएर धन नदि काम बन्दैन,
हो, त्यसैले टेबलमुनि हात थाप्ने चलन छ ।
प्रेमले अडेको संसारमा साँचो प्रीत सेलायो,
माया त सम्पतिको तराजुमा नाप्ने चलन छ ।
बलेफी गाउँपालिका, सिन्धुपाल्चोक
२०७४ मंसिर २७ गते प्रकाशित
खबरज्योति डट कमका लागि
प्रवन्ध निर्देशक : विदुर गिरी
प्रधान सम्पादक : युवराज गिरी
प्रतिक्रिया दिनुहोस