कार्तिक १२, २०७९
थुम्पाखर । सुनकोसी गाउँपालिकाका पूर्व अध्यक्ष श्रवण कुमार जिसिले गठबन्धनका साझा उम्मेदवार जिताउन आफूले जिम्मा लिने उद्घोष गरेका छन।
लोकतान्त्रिक वाम गठबन्धनले सनिवार सुनकोसी ६ थुम्पाखरमा आयोजना गरेको अगुवा कार्यकर्ता भेटघाट कार्यक्रमलाई सम्बोधन गर्दै जिसिले विगतका तितामिठा थाती राखेर गठबन्धनका उम्मेदवार जिताउने बताएका हुन।
उनले भने, गठबन्धनका उम्मेदवारलाई सुनकोसीको ७० प्रतिशत भोट खस्छ, त्यसको जिम्मेवारी म लिन्छु।
नेता भुपेन्द्र थापाले काङ्ग्रेसले ब्यक्तिको नभएर पार्टीको आदेश मान्ने बताए ।
उनले भने ‘चार गते सम्म माओवादी बनौं हसिया हतौडामा भोट हालौ, छुट्टै पार्टी हुँदा आ-आफ्नो कुरा राख्यौं, अब हामी गठबन्धनमा छौं, सबै साझा उम्मेदवारलाई जिताउनु पर्छ, जे जे भयो अब गठबन्धनका उम्मेदवारलाई जिताउनुको विकल्प छैन।’
उनले जितेर गएपछि केन्द्रमा प्रभावकारी हस्तक्षेप गर्न उम्मेदवारहरुलाई सुझाव दिए ।
कार्यक्रममा सिन्धुपाल्चोक प्रतिनिधि सभा क्षेत्र नम्बर १ का साझा उम्मेदवार एवम् माओवादी पोलिटब्युरो सदस्य माधव सापकोटा सुबोध, प्रदेश सभा १ का उम्मेदवार मसिना खड्का भण्डारी, प्रदेश सभा २ का उम्मेदवार सरल सहयात्रीलगायत नेता कार्यकर्ताको उपस्थिति रहेको छ।
खबरज्योति डट कमका लागि
प्रवन्ध निर्देशक : विदुर गिरी
प्रधान सम्पादक : युवराज गिरी
प्रतिक्रिया दिनुहोस