जेष्ठ २, २०७९
चाैतारा । हेलम्बु गाउँपालिकामा कांग्रेसका उम्मेद्वार निमा ग्याल्जेन शेर्पा भारी मतले विजयी भएका छन् । उनले ५ हजार ३ सय ८५ मत ल्याउँदै अध्यक्षमा विजयी भएका हुन् । उनका प्रतिस्पर्धी एमालेका दावा लामा ह्याल्मोले ४ हजार ६ सय ३ मत ल्याए ।
उपाध्यक्षमा कांग्रेसकी अप्सरा लामिछानेले ५ हजार २१४ मत ल्याएर विजयी भइन् । उनकी प्रतिस्पर्धी एमालेकी गंगा अर्याल खड्काले ४ हजार ६ सय ७१ मत पाइन् ।
अघिल्लो ०७४ स्थानीय निर्वाचनमा हेलम्बु गाउँपालिकाको ७ वडामध्ये ६ वडा जितेको कांग्रेसले यस पटक ५ वटा वडा मात्रै जितेको छ । शेर्पाले यसअघिको चुनावमा पनि गाउँपालिकाको अध्यक्षमा निर्वाचित भएका थिए ।
वडा नम्बर १ मा दावाग्याल्बो शेर्पा, २ मा पेम्बा लामा, ३ मा दीपक खड्का, ४ मा बुद्धिमान तामाङ, ५ मा दिपग्याल्जेन लामा, ६ मा सञ्च तामाङ र ७ मा निलबहादुर खड्का वडाध्यक्षमा निर्वाचित भएका छन् । वडा नम्बर ३ र ६ मा मात्रै एमालेले जितेको हो ।
खबरज्योति डट कमका लागि
प्रवन्ध निर्देशक : विदुर गिरी
प्रधान सम्पादक : युवराज गिरी
प्रतिक्रिया दिनुहोस