फागुन १३, १०७८
चाैतारा । सिन्धुपाल्चोकको बलेफी गाउँपालिकामा स्थानीय किसानले पालेको बोइलर कुखुरामा बर्ड फ्लु भेटिएको पुष्टि भएको छ ।
बलेफी गाउँपालिका वडा न ८ लामोसाँघुमा एक किसानले पालेको ४ हजार कुखुरामध्ये २५ सय कुखुरा धमाधम मर्न थालेपछि फागुन १० गते काठमाडौँ त्रिपुरेश्वरमा नमूना परीक्षणका लागि लगिएको थियो ।
नमूना परीक्षणबाट बर्ड फ्लु पुष्टि भएको बलेफी गाउँपालिका पशु सेवा प्राविधिक दीपेन्द्र दंगालले जानकारी दिए । बर्ड फ्लु पुष्टि भएसँगै फर्मलाई सिल गरिएको छ ।
प्राविधिक दंगालका अनुसार तीव्र गतिमा फैलावट हुने एच फाईभ एन वान बर्ड फ्लु पुष्टि भएपछि अन्य फर्मका कुखुरालाई पनि परीक्षणका लागि काठमाडौँ पठाइसकेको छ ।
कुखुरा फर्ममा बर्डफ्लु देखिएपछि गाउँपालिकाले किसानलाई फर्ममा चुना र भिर्कोनो छर्न एवम् उच्च सतर्कता अपनाउन अनुरोध समेत गरेको छ ।
खबरज्योति डट कमका लागि
प्रवन्ध निर्देशक : विदुर गिरी
प्रधान सम्पादक : युवराज गिरी
प्रतिक्रिया दिनुहोस