पुस २७, २०७८
चाैतारा । ७ वर्षदेखि फरार रहेका अपराधीलाई जिल्ला प्रहरी कार्यालय सिन्धुपाल्चोकले पक्राउ गरेको छ ।
२०७१ कात्तिक २ गतेको फैसलाले एक वर्ष छ महिना कैद र एक लाख पचास हजार जरिवाना सजाय ताेकेपछि फरार रहेका कुविण्डेका प्रेमप्रसाद सुवेदीलाई प्रहरीले पक्राउ गरेकाे हाे।
साबिक कुविण्डे गा.वि.स.वडा नं.९ र हाल चौतारा साँगाचोकगढी नगरपालिका ५३ बर्षिय सुवेदीलाई चाैतारा बजारबाटै नियन्त्रणमा लिएकाे जिल्ला प्रहरी कार्यालयका सूचना अधिकारी प्रहरी नायव उपरीक्षक दक्षकुमार बस्नेतले जानकारी दिए।
७ वर्षदेखि फरार रहेका उनलाई जिल्ला प्रहरी कार्यालयबाट खटिएको प्रहरी टोलीले आज चौतारा साँगाचोकगढी नगरपालिका ५ स्थित नवलपुर चोकबाट नियन्त्रणमा लिइएको उनलेे बताए ।
जिल्ला अदालतमा दाखिला गरिएकोमा अदालतले सुवेदीलाई लागेको कैद जरिवाना असुल उपरका लागि आजै कारागार चलान गरेको प्रहरीले जनाएको छ।
खबरज्योति डट कमका लागि
प्रवन्ध निर्देशक : विदुर गिरी
प्रधान सम्पादक : युवराज गिरी
प्रतिक्रिया दिनुहोस