पूर्वसांसद सुवास कर्माचार्यले गरे एमाले छाडेको घोषणा

२०७८ पौष ११, आईतबार मा प्रकाशित २ साल अघि

पुस ११, २०७८

चौतारा । नेकपा एमाले सिन्धुपाल्चोकका नेता सुवास कर्माचार्यले पार्टी परित्याग गरेको घोषणा गरेका छन्।

एमालेमा लागेर ४० वर्ष बिताएका कर्माचार्यले सामाजिक सञ्जालमार्फत पार्टी परित्याग गरेको घोषणा गरेका हुन् ।

पूर्वसांसद समेत रहेका नेता कर्माचार्यले फेशबुकमा लेखेका छन्, ‘नेपाल कम्युनिष्ट पार्टी एमालेसँगको ४० वर्ष भन्दा लामो राजनीतिक यात्रा समाप्त भएको घोषणा गर्दछु ।’

उनले अबको यात्रा के हुने भन्ने खुलाएका छैनन् । नेकपा एमाले नफुट्दासम्म कर्माचार्य नेकपा समाजवादीका अध्यक्ष माधवकुमार नेपालसँग नजिक मानिन्थे।

एमाले अध्यक्ष केपी शर्मा ओलीले केन्द्रीय सदस्यमा मनोनित नगरेपछि कर्माचार्य रुष्ट थिए। यसअघि कर्माचार्य पनि माधव नेपाल निकट रहेकाले अबको यात्रा नेकपा एकीकृत समाजवादीमा हुनसक्ने आकलन गरिएको छ।