मंसिर २, २०७८
चाैतारा : बागमती प्रदेशका स्वास्थ्य तथा जनसंख्या मन्त्री निमा लामाले आफ्नाे प्रदेशभित्र पर्ने १३ ओटै जिल्लाकाे जिल्ला अस्पताल सुधारकाे लागि लागि पर्ने बताएका छन् ।
नेपाली कांग्रेस चाैतारा साँगाचाेकगढी नगरपालिका इकाई समितिद्वारा आयाेजित बधाई तथा सम्मान कार्यक्रमलाई सम्बाेधन गर्दै मन्त्री लामाले स्वास्थ्य सम्वेदनशील बिषय भएकाले हरेक सरकारले स्वास्थ्यलाइ प्राथमिकतामा राख्नुपर्ने बताए ।
आफ्ना नागरिककाे स्वास्थ्य आफ्नाे प्राथमिकता रहेकाे उनको भनाइ छ।
बागमती प्रदेश भाैतिक पूर्वाधार तथा यातायात मन्त्री कृष्ण भडेलले कम्युनिष्टले देश बनाउन नसक्ने भएकाले कांग्रेसले अग्रसरता लिने बताए । अधिकांश समय कम्युनिष्टकाे आलाेचनामा खर्चिएका भडेलले कांग्रेसले मात्र जनताकाे मर्म बुझ्ने बताए ।
उक्त कार्यक्रममा नेकपा (एमाले ), नेकपा (माओवादी केन्द्र) र राप्रपा पार्टी परित्याग गरि ५ जना नेपाली कांग्रेस प्रवेश गरेका थिए ।
खबरज्योति डट कमका लागि
प्रवन्ध निर्देशक : विदुर गिरी
प्रधान सम्पादक : युवराज गिरी
प्रतिक्रिया दिनुहोस