असोज ९, २०७८
चौतारा : तिब्बतको ल्हासास्थित नेपाली महावाणिज्यदूत नवराज ढकालले चिनियाँ वाणिज्य भन्सार तथा बन्दरगाह प्राधिकरणसँग सम्बन्धित अधिकारीहरूसँग छलफल गरेका छन् ।
चीनको तिब्बत स्वशासित क्षेत्रस्थित भन्सार कार्यालयले तातोपानी नाकाबाट अबदेखि दैनिक २० गाडी नेपाल प्रवेश गराइदिने वचनबद्धता दिएको छ । नेपाल आउन लागेको १५ हजार मेट्रिक टन मल विनारोकावट जान दिने पनि चिनियाँ अधिकारीले वचन दिएका छन् ।
‘मैले तिब्बत स्वशासित क्षेत्रका अधिकारीहरूसँगको छलफलमा नेपालमा जान लागेको मल विनारोकावट नेपाल पठाउने, दसैँतिहारलक्षित सामान नरोक्नेलगायतका प्रतिबद्धता मागेको छु ।
चिनियाँ अधिकारीहरूले तातोपानी नाकामा जस्तै केरुङमा पनि हुक एन्ड ड्रप तरिका अपनाएर कार्गो ढुवानी गर्ने विषयमा अध्ययन गर्ने पनि वचन दिएको ढकालले जानकारी दिए ।
उनले तातोपानी र केरुङ नाकाबाट नेपाल भित्रिने ट्रकहरूको संख्या पनि थप गरिदिन आग्रह गरेका थिए ।
खबरज्योति डट कमका लागि
प्रवन्ध निर्देशक : विदुर गिरी
प्रधान सम्पादक : युवराज गिरी
प्रतिक्रिया दिनुहोस