भदौ १८, २०७८
चौतारा : निरन्तरको बर्षा बर्षा र बाढीले पहिरो खस्दा हेलम्बु राजमार्ग पुनः अवरुद्ध भएको छ ।
मेलम्ची नगरपालिका–१३ मेलम्ची–जिरोकिलो सडक खण्डस्थित फटकशिला रातोपहरोमा माथिबाट पहिरो खसिरहेकाले सडक अवरुद्ध भएको प्रहरीले जनाएको छ ।
पहिरो पन्छाएर सडक संचालनमा ल्याउन बर्षा बाधक रहेको र निकै जोखिम रहेकोे ईलाका प्रहरी कार्यालय मेलम्चीका प्रहरी निरीक्षक टिकाराम राईले बताए। अहिले तत्कालै सडक सञ्चालनमा ल्याउन नसक्ने भएकाले वैकल्पीक सडक प्रयोग गर्न आग्रह गरे।
साउन अन्तिम देखिनै यहाँ निरन्तर माथिबाट पहिरो र तलबाट खोलाले सडक कटान गरिरहेको छ। सडकमा अवरोधको कारणले आवतजावत गर्ने सर्वसाधारणलाई समस्या परिरहेको छ।
खबरज्योति डट कमका लागि
प्रवन्ध निर्देशक : विदुर गिरी
प्रधान सम्पादक : युवराज गिरी
प्रतिक्रिया दिनुहोस