मेलम्चीको एकै गाउँका ३० जना बिरामी (फाेटाेसहित)

साउन १६, २०७८

चौतारा : सिन्धुपाल्चोकको मेलम्ची नगरपालिका ११ चापाबोट चालिसे गाउँमा पुजाको प्रसाद खाँदा करिब ३० जना बिरामी भएको छन्।

बिहिबारको पुजामा सहभागी भएर प्रसाद खाएकाहरूलाई झाडापखाला लागेको मेलम्ची नगरपालिकाका उपप्रमुख भगवती नेपालले जानकारी दिइन्।

उनले भनिन्, ‘सबैलाई स्वास्थ्य चौकी ल्याउन सम्भव भएन। हामी बिहान स्वास्थ्यकर्मीसहितको टोली गएर उपचार गरेर फर्केका छौँ। ३ जनालाई मेलम्ची स्वास्थ्य केन्द्र मेलम्चीमा ल्याएका छौँ।’

अन्य बिरामीहरुको स्वास्थ्य अवस्था सामान्य रहेको उनको भनाइ छ।

फुड पोइजनको कारणले झाडापखाला लागेको हुनाले ४८ घण्टासम्ममा सबैलाई ठिक भइसक्ने स्वास्थ्यकर्मीको भनाइ रहेकाे उनलेे बताइन्।