चाैतारा । लामोसाँघु जिरी सडक अन्तर्गत ८ किलोमा हिजो ट्रकको ठक्करबाट मृत्यु भएको मोटरसाइकल चालकको परिवारलाई १० लाख ५० हजार क्षतिपूर्ति दिने सहमति भएको छ।
दोलखाबाट काठमाडौं जाँदै गरेको मधेश प्रदेश ०३–००२ ख ०५३४ नम्बरको ट्रकले बागमती प्रदेश ०२–०३३ प ७३०६ नम्बरको मोटरसाइकललाई ठक्कर दिएपछि मोटरसाइकल चालक लिसंखुपाखर ७ डाँडापाखरका दावा छिरिङ तामाङको घटनास्थलमै मृत्यु भएको थियो।
तामाङको मृत्यु भएपछि आफन्तले सडक अवरुद्ध पारेपछि ट्रक कन्टेनर व्यवसायीको प्रतिनिधि अर्जुन सापकोटा र पीडितको तर्फबाट आफन्त परिवारका व्यक्तिहरु पालिका अध्यक्ष राजु लामा, वडाध्यक्ष अध्यक्ष दिनेश लामा र प्रहरीसहिको उपस्थितीमा क्षतिपूर्ति र किरिया खर्च बापत ५० हजार र २२० पल्सरको क्षतिपूर्ति दिने सहमति भएको छ।
मृत्तकको आफन्तसँग सहमति भएपछि अरनिको राजमार्ग र जिरी राजमार्गमा भएको अवरोध हटेर सवारी सञ्चालन सुरु भइसकेको प्रहरीले जनाएको छ।
मृत्तकको छोरा र छोरीलाई ५०/५० हजारका दरले एक लाख सहयोग गर्ने र कक्षा १२ सम्मपालिका भित्रका विद्यालयमा निशुल्क पठाउने जिम्मा पालिकाले लिएको छ।
खबरज्योति डट कमका लागि
प्रवन्ध निर्देशक : विदुर गिरी
प्रधान सम्पादक : युवराज गिरी
प्रतिक्रिया दिनुहोस