तौथलीमा जन्ती बस दुर्घटना हुँदा घटनास्थलमै ३ जनाको मृत्यु

खबरज्योती संवाददाता

२०८१ बैशाख ७, शुक्रबार मा प्रकाशित ७ महिना अघि

चौतारा । सिन्धुपाल्चोकको तौथलीमा जन्ती बोकेको बस दुर्घटना हुँदा ३ जनाको मृत्यु भएको छ। दोलखाबाट सिन्धुपाल्चोकको त्रिपुरासुन्दरी गाउँपालिका ४ स्थित पिस्कर जान लागेको जन्ती बस दुर्घटना भएको प्रमुख जिल्ला अधिकारी झक्कप्रसाद आचार्यले बताए।

त्रिपुरासुन्दरी–५ का वडाध्यक्ष यादव श्रेष्ठका अनुसार घटनास्थलमै तीन जनाको मृत्यु भएको छ भने, दुलहासहित ३२ जना घाइते भएको बताए।

गम्भीर घाइते पाँच जनालाई सहाबहार अस्पताल खाडीचौर लगिएको छ। दुर्घटनाको कारण खुल्ल बाँकी छ।