चौतारा । नेकपा माओवादीका सांसद माधव सापकोटाले तीनै तहका सरकारको समन्वयमानै विकास सहज हने बताएका छन् ।
सिन्धुपाल्चोक १ का मतदाता भेटघाटको क्रममा बाह्रविसे नगरपालिका १ को विभिन्न बस्ती पुगेका सांसद सापकोटाले सबैको उद्देश्य विकास र समृद्धि भएकाले तीनै तहका सरकारको साझा लक्ष्य हुँदा काम गर्न सहज हुने उनको भनाइ छ।
संघीय संसदको हैसियतले कानून निर्माण र निर्वाचन क्षेत्रको विकास दुबैलाइ आफूले सँगसँगै लैजाने उनले बताए। भोट माग्न समेत नेता आइनपुग्ने विकट बस्तीहरुमा सांसद आफ्नो घरदैलोमा आइपुगेपछि स्थानीयले खुसी व्यक्त गर्दै फुलमालाले स्वागत गरेका थिए ।
आफूले चुनेर पठाएको सांसद समक्ष बाटो निर्माण, सिँचाइ, बाँदर नियन्त्रण जस्ता मागहरु स्थानीयले राखे। मतदाताको सुझाव सुनेपछि संसद सापकोटाले स्थानीय, प्रदेश र संघीय सरकारकोबीचमा समन्वय गरि समग्र विकासको निम्ति लागिरहेको बताए ।
सडक स्तरोन्ति र कालोपत्रे पहिलो प्राथमिकतामा रहेको उनले बताए । खागदल, ठुलो पलाति, कर्थलि, दुरुङ्थलि, दोर्सा मोटरबाटो छिटै कालोपत्रे गरिने नेता सापकोटाले बताए । उक्त बाटो स्वास्थ्यमन्त्री मोहनबहादुर बस्नेतको घर हुँदै जाने बाटो हो ।
घरदैलोको क्रममा घोर्थली पुगेका सापकोटा र बागमती प्रदेश सभा सदस्य अमृता नेपालले बाह्रविसे नगरपालिका १ र त्रिपुरासुन्दरी गाउँपालिका १ जोड्ने १६४ मिटर लामो खामादिङ्ग खोला झोलुङ्गे पुलको समेत संयुक्त उद्घाटन गरेका थिए ।
उनले छिटै प्राविधिक अध्ययन गरि केही विकास योजनाहरुको लगत तयार गरिने मतदातासामू बताए।
खबरज्योति डट कमका लागि
प्रवन्ध निर्देशक : विदुर गिरी
प्रधान सम्पादक : युवराज गिरी
प्रतिक्रिया दिनुहोस