चैत २८, २०७९
चाैतारा । बागमती प्रदेश सरकारले सिन्धुपाल्चोकका रेवती सापकोटालाई पुनः प्रदेशको सञ्चार रजिष्ट्रार नियुक्त गरेको छ ।
यस अघि पनि रजिष्ट्रार रहेका सापकोटा दोस्रो कार्यकालका लागि प्रदेशको सञ्चार रजिष्ट्रारमा नियुक्त भएका हुन् ।
आज बसेको मन्त्रिपरिषद बैठकले सापकोटालाई प्रदेश रजिष्ट्रारमा नियुक्त गरेको बागमती प्रदेशका आन्तरिक मामिला तथा कानून मन्त्री तथा सरकारका प्रवक्ता गंगानारायण श्रेष्ठले बताए ।
मन्त्रीपरिषदले आज प्रदेश चिठ्ठा सम्बन्धमा ब्यवस्था गर्न बनेको विधेयक स्वीकृत गरेको छ । उक्त विधेयक प्रदेश सभामा पनि पेस गर्न स्वीकृत प्रदान गरिएको छ ।
मन्त्रिपरिषदले प्रदेश सञ्चार माध्यम व्यवस्थापन (चौथो संशोधन) नियमावली स्वीकृत गरेको छ। प्रवक्ता श्रेष्ठका अनुसार आजकै बैठकले प्रदेश उच्च शिक्षा नियमावली २०७९ स्वीकृत गरेको छ ।
खबरज्योति डट कमका लागि
प्रवन्ध निर्देशक : विदुर गिरी
प्रधान सम्पादक : युवराज गिरी
प्रतिक्रिया दिनुहोस