कात्तिक १, २०७९
चाैतारा । प्रेस सेन्टर नेपाल सिन्धुपाल्चोकले आफ्नाे मात्री पार्टीबाट निर्वाचित जनप्रतिनिधिहरूलाई सम्मान एवम् आगामी निर्वाचनका उमेदवारहरुलाई जितकाे शुभकामना दिएकाे छ ।
दसैं तिहार तथा छट पर्वकाे अवसरमा शुभकामना आदानप्रदान तथा सम्मान कार्यक्रममा गत स्थानीय तह निर्वाचनमा माओवादी केन्द्रबाट निर्वाचित ४ पालिका प्रमुखहरुलाई सम्मान गरेकाे हाे।
मंगलबार चाैतारामा आयाेजित कार्यक्रममा आगामी मंसिर ४ मा हुन लागेकाे संघ र प्रदेश सदस्य निर्वाचनकाे लागि माओवादी केन्द्रकाे तर्फबाट टिकट लिएका ३ उम्मेदवारहरुलाई जितकाे शुभकामना दिएकाे हाे ।
माओवादी केन्द्रका पाेलिटब्युराे सदस्य एवम् चाैतारा साँगाचाेकगढी नगरपालिका प्रमुख कृष्णप्रसाद सापकाेटाकाे प्रमुख आथित्यतामा सम्पन्न कार्यक्रममा सिन्धुपाल्चोकमा १ नंः प्रतिनिधि सभाका उमेदवार माधब सापकाेटा , १ काे (ख) प्रदेश सभाका सरल सहयात्री पाैडेल र प्रतिनिधि सभा २ काे (क) का उम्मेदवार युवराज दुलालले आगामी निर्वातनमा प्रेस सेन्टरकाे भूमिकाबारे प्रस्ट्याएका थिए ।
गठबन्धनको तर्फबाट माओवादी नेताहरु १ प्रतिनिधि सभाबाट माधब सापकाेटा , १ काे ख प्रदेश सभाबाट सरल सहयात्री पाैडेर र प्रतिनिधि सभा २ काे क बाट युवराज दुलालले उम्मेदवारी दिएका छन् ।
कार्यक्रममा प्रेस सेन्टर नेपालका केन्द्रीय सदस्य विदुर गिरीले आगामी निर्वाचनमा प्रेस सेन्टरले खेल्न सक्ने भूमिकाबारे धारणा राखेका थिए ।
खबरज्योति डट कमका लागि
प्रवन्ध निर्देशक : विदुर गिरी
प्रधान सम्पादक : युवराज गिरी
प्रतिक्रिया दिनुहोस