असार ९, २०७८
चाैतारा । यस वर्षकाे जुनियर मिस नेपाल २०२२ को ताज सिन्धुपाल्चोककी क्रिन्जीला श्रेष्ठले पहिरिएकी छन् ।
फाईनल प्रवेश गरेका २० प्रतिस्पर्धीलाई उछिन्दै १२ वर्षिय क्रिन्जीला जुनियर मिस नेपाल बनेकी हुन् । जुनियर मिस नेपालको ताजसँगै उनले ३ वटा टाइटल अवार्ड पनि जितेकी छन् ।
सिन्धुपाल्चोक चौतारा साँगाचोकगढी नगरपालिका वडा न ५ की श्रेष्ठले हालै सम्पन्न जुनियर मिस एण्ड मिस्टर नेपाल इन्टरनेशनल २०२२ को ग्राण्ड फिनालेमा मोष्ट कन्फिडेन्ट अवार्ड, फेसबूक च्वाइस विनर र पब्लिक च्वाइस विनरसमेत जितेकी हुन् ।
चौतारा भिन्तुनाचोक निवासी लोककुमार श्रेष्ठ र रमिला श्रेष्ठकी १२ वर्षीया सुपुत्री क्रिन्जिला कक्षा ७ मा अध्ययनरत विद्यार्थी हुन् ।
जुनियर मिस नेपाल इन्टरनेशनल २०२२ को उपाधि भने यसपटक सुरबी प्रजापतिले पाइन् । रिबन इन्टरटेन्टमेन्ट प्राइभेट लिमिटेडले आयोजना गरेको जुनियर मिष्टर एण्ड मिस नेपाल इन्टरनेशनल २०२२ मा १४ वर्षमुनीका २० बालिकाको सहभागिता रहेको थियो ।
खबरज्योति डट कमका लागि
प्रवन्ध निर्देशक : विदुर गिरी
प्रधान सम्पादक : युवराज गिरी
प्रतिक्रिया दिनुहोस