फाल्गुन २, २०७८
चौतारा । सिन्धुपाल्चोकको अधिकांश स्थानीय तहको सुविधायुक्त भवन ठडिन थालेका छन् ।
इन्द्रावती गाउँपालिकाले छ करोड ५१ लाख रुपियाँ खर्चिएर ‘प्यागोडा’ शैलीमा आकर्षक भवन निर्माण गरेको पालिकाका अध्यक्ष वशंलाल तामाङले जानकारी दिए ।
पालिकाका १० वटा वडाको भवन निर्माण गरी सेवा दिन थालिएको छ ।
चौतारा साँगचोकगढी नगरपालिकाका प्रमुख अमानसिंह तामाङले सात करोड रुपियाँको लागतमा प्रशासनिक भवन निर्माण गरेको बताए । नगरका नौवटा वडाका भवन बनिसकेको छ ।
मेलम्ची नगरपालिकाले सात करोड रुपियाँको लागतमा दुइटा प्रशासनिक भवन निर्माण गरेको नगरप्रमुख डम्बर अर्यालले जानकारी दिए । पालिकाका १३ वटा वडामध्ये सातवटा वडा कार्यालयका नयाँ भवन बनेका छन् ।
यस्तै भोटेकोसी गाउँपालिकाले छ करोड रुपियाँको लागत तीनवटा वडा भवन निर्माण गरेको अध्यक्ष राजकुमार पौडेलले बताए ।
खबरज्योति डट कमका लागि
प्रवन्ध निर्देशक : विदुर गिरी
प्रधान सम्पादक : युवराज गिरी
प्रतिक्रिया दिनुहोस