माघ २४, २०६८
चौतारा । बलेफी गाउँपालिका वडा–७ माख्लो गाउँका दुई जनाको हत्या गर्ने पक्राउ परेका छन्। आइतबार साँझ चिम्लिङ गाउँका ३८ वर्षीय विजय तामाङले दुई जनाको हत्या गरेको जिल्ला प्रहरी नायब उपरीक्षक दक्षबहादुर बस्नेतले बताए।
चिम्लिङकै स्थानीय ७० वर्षीया वासुमाया र उनकै भाइ ५९ वर्षीय सन्तविर तामाङको हत्या गरेका थिए। ३८ वर्षीय विजय तामाङले मादक पदार्थ सेवन गरी दुई जनाको हत्या गरेका थिए।
दुवै जनाको घटनास्थलमै मृत्यु भएको थियो। सन्तवीर र विजयी दिनभर सँगै बसेर मदिरा सेवन गरेको र आपसमा विवाद हुँदा बेलुकी करिब बजेतिर अन्धाधुन्ध ढुंगा प्रहार गरी हत्या गरेको खुलेको छ।
मृतक सन्तवीर विजयको काका तथा बसुमाया दिदी रहेको बुझिएको छ। विवादको कारण भने खुलेको छैन।
हत्यापछि फरार भएका तामाङलाई जंगलमा लुकेर बसेको अवस्थामा प्रहरीले नियन्त्रणमा लिइसकेको जनाएको छ। हत्यामा संलग्न तामाङ यस अघि पनि व्यक्ति हत्यामा सजाय भोगेको खुलेको बस्नेतले बताए।
घटनाबारे अनुसन्धान भइरहेको उनले जानकारी दिए।
खबरज्योति डट कमका लागि
प्रवन्ध निर्देशक : विदुर गिरी
प्रधान सम्पादक : युवराज गिरी
प्रतिक्रिया दिनुहोस