माघ २४, २०७८
चाैतारा । सिन्धुपाल्चोकको बलेफी गाउँपालिका ७ माथिल्लो चिम्लिङमा अन्धाधुन्ध ढुंगाले हानेर दुई जनाको हत्या भएको छ।
चिम्लिङका ३८ वर्षीय विजय तामाङले मादक पदार्थ सेवन गरी सोही ठाउँका ७० वर्षका बसुमाया तामाङ र ५९ वर्षका सन्तवीर तामाङको हत्या गरेको जिल्ला प्रहरी कार्यालय सिन्धुपाल्चोकले जनाएको छ।
जिल्ला प्रहरी कार्यालयका प्रवक्ता डिएसपी दक्ष बस्नेतले दुवै जनाकाे घटनास्थलमै मृत्यु भएकाे जानकारी दिए। सन्तवीर र विजयी दिनभर सँगै बसेर मदिरा सेवन गरेकाे र आपसमा विवाद हुँदा बेलुकी करिब बजेतिर अन्धाधुन्ध ढुंगा प्रहार गरी हत्या गरेकाे खुलेकाे बस्नेतले बताए। मृतक सन्तवीर विजयकाे काका तथा बसुमाया दिदी रहेकाे बुझिएकाे छ।
विवादकाे कारण भने नखुलेकाे उनले बताए। हत्यापछि फरार भएका तामाङलाई जंगलमा लुकेर बसेकाे अवस्थामा प्रहरीले नियन्त्रणमा लिइसकेकाे जनाएकाे छ। हत्यामा संलग्न तामाङ यस अघि पनि व्यक्ति हत्यामा सजाय भाेगेकाे खुलेकाे बस्नेतले बताए। घटनाबारे अनुसन्धान भइरहेकाे उनले जानकारी दिए।
खबरज्योति डट कमका लागि
प्रवन्ध निर्देशक : विदुर गिरी
प्रधान सम्पादक : युवराज गिरी
प्रतिक्रिया दिनुहोस