मंसिर १५, २०७८
काठमाडाैं : सरकारले अतिआवश्यक कामबाहेक विदेश भ्रमणमा नजानलाई आग्रह गरेको छ । कोभिड-१९ को ओमीक्रोन भेरियन्टलाई लक्षित गरी विदेश भ्रमण नगर्न र सावधानी अपनाउन स्वास्थ्य तथा जनसंख्या मन्त्रालयले अपिल गरेको छ ।
ओमीक्रोन भेरियन्ट बढी संक्रामक तथा सबै उमेर समूहका मानिसहरूलाई असर पार्ने देखिएको मन्त्रालयले जनाएको छ । संक्रमण रोक्न सबै जिम्मेवार बनी जनस्वास्थ्यका मानपदण्डहरू पालना गर्नुपर्छ । कोभिडविरुद्धको खोपले कोभिडबाट सुरक्षित र पायक पर्ने ठाउँमा गएर खोप लगाउनलाई अनुरोध गरेको छ ।
अफ्रिकी मुलुकमा देखा परेको ओमीक्रोन भेरियन्ट (B.1.1.529) एशियाका केही मुलुकमा देखा परिसकेको छ । विश्व स्वास्थ्य संगठनले नयाँ भेरियन्टलाई विश्वव्यापी भेरियन्ट अफ कन्सर्नको रुपमा घोषणा गरिसकेको छ ।
नेपालमा उक्त भेरियन्ट फेला नपरेको र परीक्षणको दायरालाई फराकिलो पारेको मन्त्रालयले जनाएको छ ।
खबरज्योति डट कमका लागि
प्रवन्ध निर्देशक : विदुर गिरी
प्रधान सम्पादक : युवराज गिरी
प्रतिक्रिया दिनुहोस