असाेज १७, २०७८
चाैतारा : सिन्धुपाल्चोकमा सुनकोशी नदीमा र्याफ्टिङ गर्ने क्रममा एक जनाको मृत्यु भएको छ।
आइतबार दिउँसो करिब १ बजे चौतारा साँगाचोकगढी नगरपालिका वडा नम्बर ९ डुम्रेस्थित सुनकोशी नदीमा खसेर एक जनाको मृत्यु भएको जिल्ला प्रहरी कार्यालयले जनाएको छ।
स्प्लास नेपाल एड्भेन्चर काठमाडौंबाट नदीमा र्याफ्टिङ गर्न गएका १० जनामध्ये एक जना बेपत्ता भएका थिए।
वेपत्ता भएका दोलखा मेलुङ गाउँपालिका वडा नम्बर ४ घर भई काठमाडौं ठूलो भर्याङस्थित स्वयम्भू खाद्यान्न डिपोमा काम गर्ने २२ वर्षीय सजन खड्काको प्रहरीले खाेजी गर्ने क्रममा शव फेला पारेको हो।
बेपत्ता भएको खबरपछि प्रहरी र सशस्त्र प्रहरीले खोजी गर्नेक्रममा दिउँसो ३ बजे शव फेला परेको थियो। खड्का खसेकै ठाउँमा पानीभित्र उनको शव फेला परेको प्रहरीले जनाएको छ।
प्रहरीले घटनासम्बन्धी थप अनुसन्धान अघि बढाएको छ।
खबरज्योति डट कमका लागि
प्रवन्ध निर्देशक : विदुर गिरी
प्रधान सम्पादक : युवराज गिरी
प्रतिक्रिया दिनुहोस