असोज ९, २०७८
चौतारा : सिन्धुपाल्चोकमा चार दशमलव पाँच रेक्टर स्केलको भूकम्प गएको छ।
सदरमुकाम चौताराबाट करीब पाँच कोष उत्तरतर्फको जुगल गाउँपालिका ५ पाङताङ केन्द्रबिन्दु भएर आज दिउँसो १२ बजेर १२ मिनेटमा भूकम्प गएको हो।
भूकम्पको कम्पन सिन्धुपाल्चोक, काभ्रे, काठमाडौं र आसपासका जिल्लामा महसुस गरिएको राष्ट्रिय भूकम्प मापन केन्द्रले जनाएको छ। यो २०७२ वैशाख १२ गतेको महाभूकम्पकै परकम्प भएको केन्द्रका वरिष्ठ भूगर्भविद् डा. लोकविजय अधिकारीले जानकारी दिए।
यसअघि गत सोमबार दार्चुलाको खारा केन्द्रबिन्दु भएर चार दशमलव दुई रेक्टर स्केलको भूकम्प गएको थियो।
खबरज्योति डट कमका लागि
प्रवन्ध निर्देशक : विदुर गिरी
प्रधान सम्पादक : युवराज गिरी
प्रतिक्रिया दिनुहोस