असाेज २, २०७८
चाैतारा : संविधान दिवसको अवसरमा पाँच पोखरी थाङपाल गाउँपालिकामा जनप्रतिनिधि र कर्मचारीहरूबिच मैत्रीपूर्ण फुटबल प्रतियोगिता सुरु भएको छ ।
खेलकुद विकास समितिद्वारा जिल्लाको पाँच पोखरी थाङपाल गाउँपालिकामा आयोजित प्रतियोगिता अन्तर्गत आज सम्पन्न पहिलो खेलमा पालिका कर्मचारी टिमले ६–० गोलले गाउँपालिका जनप्रतिनिधि टिमलाई पराजित गरेको छ ।
त्यस्तै गाउँपालिका कर्मचारी टिम र वडा कर्मचारीबिच भएको दोस्रो खेलमा वडाले पालिकालाई ४–२ गोलले पराजित गरेको छ ।
तेस्रो खेल पालिका जनप्रतिनिधि र वडा कर्मचारी बिच भएको थियो । जसमा जनप्रतिनिधि टिमलाई वडाले ४–१ ले पराजित गरेको कृषि शाखा प्रमुख निमराज गिरीले बताए ।
नाईन ए साइड अनुसार खेलाइएको प्रतियोगिताको पाँच पोखरी थाङपाल गाउँपालिकाका उपाध्यक्ष सुनिता अधिकारीले उद्घाटन गरेका थिए ।
फाइनल खेल भोलि हुने गाउँपालिका खेलकुद विकास समितिका अध्यक्ष टासी शेर्पाले बताए ।
खबरज्योति डट कमका लागि
प्रवन्ध निर्देशक : विदुर गिरी
प्रधान सम्पादक : युवराज गिरी
प्रतिक्रिया दिनुहोस