भदौ २६, २०७८
चौतारा : मौसम पूर्वानुमान विभागका अनुसार नेपालमा भारतको पूर्वी राजस्थानमा आसपासमा अवस्थित न्यून चापीय क्षेत्र र बंगालको खाडीको मध्यपूर्वी भू–भागमा अवस्थित न्यून चापीय क्षेत्रको सामान्य प्रभाव रहेको छ। साथै‚ मनसुन न्यून चापीय रेखा औसतभन्दा दक्षिणतर्फ रहेको छ।
जसका कारण शनिबार बिहान प्रदेश १ र प्रदेश २ को मौसम बदली भई पानी परिरहेको छ। मनसुनी वायुको प्रभावको कारण यी दुवै प्रदेशमा मेघगर्जन र चट्याङसहित पानी परिरहेको छ।
प्रदेश १ मा दिउँसोसम्मै पानी परिरहने छ भने प्रदेश २ मा दिउँसो केही कम हुने मौसम पूर्वानुमान महाशाखाकी मौसमविद सजिना शाक्यले जनाकारी दिइन्। शाक्यका अनुसार दिउँसो काठमाडौं उपत्यकासहित बागमती प्रदेशका विभिन्न स्थानमा पानी पर्नेछ।
यस्तै‚ दिउँसो र राति देशभर सामान्य बदली रही अधिकांश स्थानमा हल्कादेखि मध्यम वर्षाको सम्भावना रहेको मौसम पूर्वानुमान महाशाखाले जनाएको छ।
खबरज्योति डट कमका लागि
प्रवन्ध निर्देशक : विदुर गिरी
प्रधान सम्पादक : युवराज गिरी
प्रतिक्रिया दिनुहोस