असार ४, २०७८
चाैतारा : मेलम्चीमा आएको बाढीले दुई वटा विद्यालयमा क्षति पुगेको छ। बाढीले एउटा सामुदायिक र एउटा नीजि विद्यालयमा क्षति पुगेकाे हाे।
मेलम्ची नगरपालिका ६ तालामाराङमा रहेको तेर्से माध्यामिक विद्यालयमा आंशिक र हेलम्बु गाउँपालिका ४ मा रहेको इस्ट पोइन्ट एकेडेमीमा पूर्ण रुपमा बाढीले क्षति पुर्याएको छ ।
यस्तै हेलम्बु गाउँपालिका-४ मा रहेका निजी विद्यालय इस्ट पोइन्ट एकेडेमीको भवन बाढीले बगाएको हो । विद्यालयको दुईवटा भवनमध्ये एउटा बगाएको र अर्को आधा भाग बगाएर आधा बाङ्गो अवस्थामा पुर्याएका प्रधानाध्यापक दामोदर भारतीले बताए ।
मेलम्ची नगरपालिकाको तालामाराङमा रहेको तेर्से माध्यामिक विद्यालयको चारवटा कक्षा कोठा र शौचालय बगाएको प्रधानाध्यापक कृष्ण ढुंगानाले बताए ।
राति १२ बजे आएको बाढीले विद्यालयको भवन बगाएको र अहिले खोलाले विद्यालयतर्फ नै मोड लिइरहेकोले कत्ति बेला के हुन्छ भन्न नसकिने उनको भनाइ छ।
खबरज्योति डट कमका लागि
प्रवन्ध निर्देशक : विदुर गिरी
प्रधान सम्पादक : युवराज गिरी
प्रतिक्रिया दिनुहोस